Ecco il discorso inaugurale dei Giochi senza Quartiere del Console Pacian XIX, al secolo Claudio Loraschi:
Car tùsan, Car bocia e giuvinott, Car quei pussè grand e vecc,
Oooh! Finalment…la Secùnda Ediziùn dal Verbania Gioca. A’ sùn cùntent e ùnùrà, da vess chì inceu, insema a vuialtar, cùnt’ùl stess vòstar entusiasmo e vòia da divertiss.
Sùn cùnvint, che par vuialtar partecipanti, lè la “vendetta” da l’an pasà cùntra i vòstar nemis e avversari…. Bene.
Nei dì, da la festa da S.Vitùr, ghin stai i…”preliminari” dai gieug e tra i Quartieri concorrenti, han giamò cùmincià a vàrdàs da travèrs…Bene.
I campiùni in carica, in quei da Pussacc:mmmh.. sta volta, vegarem me la narà a finii.
Tra i tanci, bei e storic, Quartieri da Verbania, tucc parlan da “Unione”… “Fratellanza”…”Amicizia”….IN TUCC DI… GRAND BALL. Rigurdivass che sì chì, mia… par…. partecipaa, MA… PAR VINC.
Da Locarno a Sesto Calende, tùtt ùl popùl dùvrà sentì vuialtar…vusaa e incitaa i vostar cùmpagn da squadra,….alla… gara, allo… scontro, al… cùmbattiment…e dùmandas… se lè drè a succed a Palanza.
A prùposit; a vèuri saludaa e ringraza ul padrùn da ca’: Re Pallante, par l’ùspitalità e scùsam se par trì dì, sù sto bel lungo lago, gà sarà un po’ da mùvimènt…da bàldoria, e mia la solita …”PACE GERIATRICA”.
Alùra,dess a va fò un po’ da raccùmandaziùn: Cerchìi da fass mia mal pussè da tant, Cerchìi da imbruiaa senza fass n’accorgiass, Cerchii da fa finta, da dag a traa ai vòstar capi squadra, Cerchìi da fa mia nà giù i ball ai giudici da gara. Anca parchè han dì che tiran fòra i pusè indisciplinati e par pùniziùn, ì ligan suì cùlòn dal Municipi a testa in giù, a vardaa ì altar che giogan.
E infine…Cerchii da mia tacà liit e picass; al limite… mandivass A DA VIA UL CU’.
Carissimi,tutta Verbania la va varda,la va ringrazia, e la fa ùl tifo par sta bellisima manifestaziùn.
Manifestaziùn e… Festa, che persun da bùna vùlùntà,… nonostante tanci cattiverie e ottuse contrarietà, cùnt tant impègn, han vursù ammò ùrganizzaa.
CHE I GIOCHI ABBIANO INIZIO, FATEVI ONORE ! EVVIVA… VOI TUTTI ! EVVIVA… GIOCHI SENZA QUARTIERE ! EVVIVA… VERBANIA
Ul Console Pacian